Almatyda «Qazaqstandyq ǵalym áıelder» ensıklopedıasynyń tusaýy kesildi.
Basylymǵa otandyq ǵylymǵa eńbegi sińgen 84 adamnyń esimi engen. Olar medısına, psıhologıa, fılologıa, fılosofıa jáne jaratylystaný ǵylymdarynyń úzdikteri, dep habarlaıdy Almaty-akshamy.kz 24.kz-ke silteme jasap.
Ǵalym áıelder elimizdiń 25 ýnıversıteti men 15 ǵylymı-zertteý ınstıtýty arqyly iriktelgen. Eki jarym jyl jazylǵan jınaq 100 dana bolyp shyǵypty. Alda kelesi tomdaryn shyǵarý josparlanyp otyr. Qazir elde aty tanymal 10 myńnan asa ǵalym áıel, ártúrli salada eńbek etip keledi. Olardyń tyń zertteýleri álemge tanylýy kerek, deıdi avtorlar.
«Sol irikteýdiń nátıjesinde bizdiń ensıklopedıaǵa 500-den astam ǵalymnyń ishinen 84-i ǵana kirdi. Bul belgili qazaqstandyq ǵalym áıelder. Bul qoǵamda tek sol kisiler ǵana emes, áli qanshama kirmegen ǵalymdar bar. Qanshama qatyspaǵan ǵalymdar bar ártúrli mamandyqta. Sondyqtan bizdiń ensıklopedıanyń ekinshi, úshinshi tomy ári qaraı jalǵasady deımiz», - deıdi fılolog-ǵalym Tańat Aıapova.
«Ensıklopedıaǵa kire salý ol ońaı dúnıe emes. Onyń úlken eńbegi bolý kerek qaı salada bolsa da jáne onyń nátıjesi bolý kerek. Sondyqtan da ensıklopedıaǵa ózindik orny bar, ǵylymǵa qosqan úlesi bar, elimizdiń bolashaǵyna keleshegine qosqan úlken úlesi bar azamatshalar endi», - deıdi QR Eńbek sińirgen qaıratkeri Aıagúl Mırazova.
.