Túrkistan oblysynda marokkalyq shegirtke dernásilderi paıda bolǵan.
Aýyl sharýashylyǵy mınıstrliginiń aqparatyna sáıkes, bıyl úıirli shegirtke zıankesterimen kúresýge respýblıkalyq búdjetten 3,8 mlrd teńge bólindi, dep habarlaıdy Almaty-akshamy.kz
Mamandardyń boljamynsha, shegirtke 1,6 mln ga aýmaqqa taralýy múmkin. Búgingi tańda 385,3 myń ga alańda pestısıdterdiń qajetti qory bar.
Aýmaqtardy óńdeýge mamandandyrylǵan tehnıka, onyń ishinde jer ústi jáne áýe kóligi jumyldyrylady.
Qazirdiń ózinde Túrkistan oblysynda marokkalyq shegirtke dernásilderiniń paıda bolǵany anyqtaldy. Aımaqqa pestısıdter tolyǵymen jetkizildi. 8-9 sáýirde óńdeý is-sharalaryn bastaý josparlanyp otyr.
Basqa aımaqtarda jerdi hımıalyq óńdeý jumystary shegirtkelerdiń taralý oshaqtary anyqtalǵan kezde bastalady.
Odan bólek, kórshiles memlekettermen shekaralas aýmaqtarda birlesken zertteý jumystary júrgiziledi. Bul týraly Qazaqstannyń ASHM mamandary Reseı, Qytaı jáne Ózbekstan memleketterindegi áriptesterimen aldyn ala kelisti.