Iranda ótken 14-shi halyqaralyq sporttyq fılmder festıvali Qazaqstan kınematografıasy úshin mańyzdy oqıǵa boldy. Aıtýly sharada «Alǵa» fılmi eki marapatqa ıe boldy.
«Ekinshi plandaǵy úzdik er adam róli» júldesin Erik Joljaqsynov alsa, «Úzdik rejıser» nomınasıasynda Ernar Nurǵalıev jeńimpaz dep tanyldy, dep habarlaıdy aqshamnews.kz Mádenıet jáne aqparat mınıstrligine silteme jasap.
«Alǵa» – ákeleriniń qazasynan soń qylmysqa bet burǵan aǵaıyndylar jaıly fılm. Alaıda olardyń aýylyna talantty jastardy irikteý úshin jeńil atletıkadan jattyqtyrýshy kelip, ómirlerine ózgeris ákeledi. Aǵaıyndylardyń biri marafondyq júgirýden álem chempıonymen básekege túsedi.
Fılm Mádenıet jáne aqparat mınıstrligi men Ulttyq kıno ortalyǵynyń qoldaýymen túsirildi. Fılmniń prodúseri – Maksım Akbarov, rejıseri – Ernar Nurǵalıev.