Halyqaralyq dzúdo federasıasy 2024 jylǵy IJF Judo Awards marapatyna úmitkerlerdiń tizimin jarıalady.
Bul marapat sporttyq maýsymnyń qorytyndysyn shyǵarady, dep habarlaıdy aqshamnews.kz Qazaqstan dzúdo federasıasynyń baspasóz qyzmetine silteme jasap.
Olımpıada chempıony Eldos Smetov “Erler arasyndaǵy jyldyń úzdik dzúdoshysy” (Male Judoka of the Year) marapatyna úmitker boldy, al Ǵalymjan Qyryqbaı “Úzdik ıppon” (Best Ippon) nomınasıasynda usynyldy.
“Erler arasyndaǵy jyldyń úzdik dzúdoshysy” marapatyna úmitker retinde Parıjdegi Olımpıada oıyndarynyń jeti jeńimpazy kirgen. Al “Úzdik ıppon” nomınasıasynda 20 dzúdoshynyń eń úzdik tehnıkasy iriktelgen.
2024 jylǵy IJF Judo Awards marapaty segiz kategorıadan turady, onda 63 úmitker bar. Jeńimpazdardy tańdaý eki kezeńnen ótedi. Birinshi kezeń – onlaın daýys berý, ekinshi kezeń – IJF Judo Awards komıteti tizim boıynsha jeńimpazdardy anyqtaıdy.
Daýys berý 10 jeltoqsannan 10 qańtarǵa deıin jalǵasady. Ár qatysýshy, ár nomınasıada bir daýys bere alady. Daýys berilgen soń ony ózgertý múmkin emes.
Marapattar 2024 jylǵy Judo Awards rásiminde tabystalady. Saltanatty jıyn 2025 jyly ótetin Paris Grand Slam týrnıri aıasynda tikeleı efırde kórsetiledi.
Daýys berý úshin myna jerge ótińiz.