Úsh boksshy sharshy alańǵa shyqty
Qazaqstandyq boksshylar Bek Nurmaǵanbet (6-0, 4 KO), Evgenıı Pavlov (6-0, 4 KO) jáne Danıla Semenov (5-0, 2 KO) Máskeýdegi boks keshinde óner kórsetip, jeńiske jetti, dep habarlaıdy Almaty-akshamy.kz Egemen.kz-ke silteme jasap.
Bek Nurmaǵanbet 42 jastaǵy kolýmbıalyq Hose Mıgel Torrespen (33-12, 27 KO) kezdesti jáne ony alǵashqy raýndta-aq nokaýtqa jiberdi. Aıta ketsek, B.Nurmaǵanbet sýperorta salmaqta WBA International chempıony.
Al áýesqoı boksta Azıa chempıonatynyń jeńimpazy atanǵan. Evgenıı Pavlov venesýelalyq boksshy Edıkson Perespen (24-8, 18 KO) 8 raýndtyq jekpe-jek ótkizdi. Kezdesý sońyna deıin jalǵasty jáne tóreshilerdiń biraýyzdy sheshimimen E.Pavlovtyń paıdasyna aıaqtaldy.
Aıtyp óteıik, Evgenıı de ekinshi asa jeńil salmaqta WBA International tıtýlyna ıe. Budan bólek, tóreshilerdiń biraýyzdy qoldaýymen sýper aýyr salmaqtaǵy Danıla Semenov jeńiske jetti. Ol «Pokemon» laqap atymen tanymal argentınalyq Pablo Farıastan (32-6, 17 KO) aılasyn asyrdy.
Qazaqstandyq sportshy oponenttiń jelkesinen soqqy jasaǵandyqtan, tóreshiler odan 1 baldy shegerdi. Biraq bul onyń jeńiske jetýine kedergi bolmady.