Boksshy sporttaǵy mansabyn aıaqtaýǵa jaqyn qaldy
Qazaqstandyq boksshy, orta salmaqtaǵy álem chempıony Gennadıı Golovkınniń qarjylyq jaǵdaıy belgili boldy. Bul týraly amerıkalyq jýrnalıs Allan Foks málimdedi.
Ol bul aqparatty Celebrity Net Worth derekterine súıenip aıtyp otyr, dep habarlaıdy Almaty-akshamy.kz Ekspress K-ǵa silteme jasap.
Boxingnews24.com jýrnalısi Allan Fokstyń aıtýynsha, Golovkın 2020 jyldyń jeltoqsan aıynan beri rıngke shyqpaǵan. Munyń sebebin tanymal jýrnalıs onyń qarjylyq jaǵdaıymen túsindiredi.
«Golovkınniń áreketsizdigi onyń tanymaldylyǵyna aıtarlyqtaı nuqsan keltirdi. Biraq ol GGG úshin qalaı áser etip jatqanyn bilmeımin. Gena sporttaǵy mansabyn aıaqtaýǵa jaqyn qaldy. Degenmen qolǵabyn shegege ilmes buryn birneshe jekpe-jek ótkizse durys ári álemdi tań qaldyrar edi. Celebrity Net Worth derekteri boıynsha, Golovkınniń esepshotynda 30 mıllıon dollar bar. Eger Golovkınniń mundaı baılyǵy bolmasa, ol baıaǵyda qatarǵa oralar edi», — deıdi Allan Foks.
Golovkın 2022 jyldyń kókteminde WBA Super álem chempıony Rıota Mýrataǵa qarsy jekpe-jek ótkizetinin aıta keteıik.