Qytaıdyń Hanchjoý qalasynda ótip jatqan Azıa oıyndarynda qazaqstandyq boksshy Qamshybek Qońqabaev jartylaı fınalǵa joldama aldy.
Qazaqstandyq boksshy asa aýyr salmaq sanatynda bahreındik Danıs Latypovpen kúsh synasty, dep habarlaıdy Almaty-akshamy.kz QazAqparatqa silteme jasap.
Qamshybek úshinshi raýndta nokdaýn alyp qalǵanyna qaramastan, qarsylasyn utty. Tóreshiler esebi – 5:0.
Osylaısha, Q.Qońqabaev keminde qola medal alady.
Bokstan Qazaqstan erler quramasynyń bas bapkeri Myrzaǵalı Aıtjanov Qamshybektiń jekpe-jegi týraly pikir bildirdi.
"Qarsylasy - Azıadaǵy myqtylardyń biri. Kezdesý tartysty boldy. Kem-ketik te bolmaı qalǵan joq, bir-eki soqqy jiberip aldy. Munyń bári - aldaǵy kezdesýlerge daıyndyq", – dedi ol.
Búgin Jaına Shekerbekova 54 kelige deıingi salmaqta úndistandyq Prıtıge 1:4 esebimen jol berip, júldesiz qaldy.
Keshki sesıada Qazaqstannan taǵy úsh boksshy rıngke shyǵady.