Qazaqstan Respýblıkasy atynan Soltústik Qazaqstan oblysynyń «Sensitive» bal bıi teatrynyń jastary qatysty.
Elimizdiń ónerpazdary AQSH-ta ótken bıden álem chempıonatynda gran-prı utyp aldy, dep habarlaıdy Almaty-akshamy.kz
Bul súıinshi habardy Soltústik Qazaqstan oblysynyń mádenıet basqarmasy áleýmettik jelide jarıalady.
22-31 shilde aralyǵynda AQSH-tyń Kalıfornıa shtatyndaǵy Anahaım qalasynda oryndaýshylyq óner túrleriniń 25-shi mereıtoılyq Dúnıejúzilik chempıonaty ótti. Chempıonattyń gollıvýdtyq formaty álemniń 72 eliniń 3000-nan astam konkýrsanttaryn qyzyqtyryp, ózine alyp keldi.
Jartylaı fınalǵa ótken «Sensitive» otandyq bal bıi teatrynyń qatysýshylary jaqsy óner kórsetip, aqtyq synda gran-prıdi jeńip aldy. AQSH, Irlandıa, Fransıa, Avstralıa, OAR, Taıland, Kanada jáne Germanıa syndy elderdiń myqty ónerpazdarymen baq synasty.