Eldar Iaǵıaev - 28 jasta. Ol týrnıkke 35 keli júkpen birge tartylyp, álemdik rekordty jańartty.
Osylaısha, ol ıspandyq sportshynyń 34,4 keli kórsetkishinen asyp tústi, dep habarlaıdy Almaty-akshamy.kz.
Aqtaýlyq jigit buǵan deıin de beltemirge 19 keli júkpen tartylyp, rekord ornatqan bolatyn. Kóshedegi vorkaýt alańdarda jattyǵyp, shyńdalǵan jas jigit - búginde sporttyń osy túrinen álemniń jeti dúrkin chempıony. Ol qazir kezekti jarysqa daıyndalyp jatyr.
«Qazir barlyq aýlada jáne teńiz jaǵalaýynda týrnık bar. Sonda qysy- jazy, sportpen tegin shuǵyldanýǵa bolady. Bárine qoljetimdi sport túri, eshqandaı aqsha tólem qajet emes. Sondyqtan sporttyń osy túrin damytyp, oǵan jastardyń qyzyǵýshylyǵyn oıatsam degen maqsatym bar», - deıdi sportshy Eldar Iaǵıaev.