Bul bastamany iske asyrýǵa búdjetten 28 mıllıard teńge bólindi.
Mıkrokredıt kásipkerlik qyzmetti bastaǵysy keletin nemese kásipkerlikpen aınalysatyn 21 jastan 35 jasqa deıingi azamattarǵa konkýrstyq negizde beriledi, dep habarlaıdy Almaty-akshamy.kz
Eńbek jáne halyqty áleýmettik qorǵaý vıse-mınıstri Aqmadı Sarbasov jastarǵa arnalǵan 2,5 paıyzdyq nesıe kelesi aıda berile bastaıtynyn aıtty.
Mınıstrlik kredıt berý erejelerin ázirlegen. Ádilet mınıstrliginen tirkeýden ótken.
«Bizdiń tarapymyzdan barlyq sheshim qabyldandy. Qazirgi kezde jergilikti atqarýshy organdarmen osy mehanızm boıynsha jumys istep jatyrmyz. Osy aıda jergilikti atqarýshy organdar men qarjy mınıstrligi kredıt kelisimine qol qoısa, kelesi aıda bastaımyz», - dedi Sarbasov.
Jeńildetilgen kredıttiń sharttary:
nomınaldy syıaqy mólsherlemesi – jyldyq 2,5%;
qaryzdyń eń joǵary somasy – 5 mıllıon teńge (ol úshin kepildik qoıý kerek);
merzimi – 5 jyl, al mal sharýashylyǵy salasy bolsa - 7 jyl.
Negizgi bereshek pen syıaqyny óteý boıynsha jeńildik kezeńi qarastyrylǵan. Ol kredıt berilgen merzimniń úshten birinen aspaýy shart. Al múmkindigi shekteýli azamattarǵa kredıt óteýsiz beriledi.