Elimizdiń quramasy D tobynda synǵa tústi.
Basketboldan Qazaqstan quramasy 2023 jylǵy álem chempıonaty irikteý satysynyń ekinshi aınalymyna shyqty, dep habarlaıdy Almaty-akshamy.kz QazAqparatqa silteme jasap.
Qazaqstandyq basketbolshylar D tobynda synǵa tústi. Ulttyq qurama Sırıa men Irandy eki-ekiden jeńse. Bahreındi bir márte súrindirip, jarystyń kelesi aınalymyna joldamaǵa erterek qol jetkizdi. Altynshy kezdesýde Bahreınge ese jibergenmen, ol týrnır kestesindegi kórsetkishke keri áserin tıgizgen joq.
Endi qazaqstandyq basketbolshylar Bahreın, Iran quramalarymen birge Avstralıa, Qytaı jáne Japonıamen joldamany sarapqa salady. Alǵashqy úsh oryndaǵy quramalar álem chempıonatyna qatysady.
Qazaqstandyq basketbolshylar buǵan deıin birde-bir márte atalǵan dodada baq synaǵan emes.
İrikteý oıyndary bıylǵy tamyz, qarasha jáne 2023 jyldyń aqpan aıynda ótkiziledi.
Dúbirli doda 2023 jyldyń 25 tamyz jáne 10 qyrkúıek aralyǵynda Japonıa, Fılıppın jáne Indonezıa memleketterinde ótkiziledi.
Eske salsaq, budan buryn fýtboldan Qazaqstan quramasy FIFA reıtıńisinde 11 catyǵa joǵarylady.