Ustalǵan azamatsha buryn da osyǵan uqsas qylmystar úshin sottalǵan.
Almatyda 5 alaıaqtyq jaıtyna qatysy bar áıel ustaldy, dep habarlaıdy Almaty-akshamy.kz Polisia.kz-ke silteme jasap.
Polısıa qyzmetkerleri Almaty qalasynyń 29 jastaǵy turǵynyna qatysty 5 alaıaqtyq deregin dáleldedi.
«QR Qylmystyq is júrgizý kodeksiniń 128-babyna sáıkes, QR QK-niń 190-baby 3-bóliginde (Birneshe ret jasalǵan alaıaqtyq) kózdelgen qylmystyq quqyq buzýshylyqty jasady degen kúdikpen 29 jastaǵy A.esimdi azamatsha ustaldy. Kúdiktige qatysty tergeý aýdanaralyq soty «qamaý» túrindegi bultartpaý sharasyn tańdady. Tergeý barysynda boıjetkenniń ózin bankterdiń biriniń qyzmetkeri retinde tanystyryp, adamdarǵa kepilsiz, tómen paıyzben nesıe alýǵa kómektesýge ýáde bergendigi anyqtaldy», – dedi Naýryzbaı aýdandyq polısıa basqarmasynyń bastyǵy Dıdar Ahanov.
Aıtpaqshy, áıel qyzmeti úshin 120-dan 170 myń teńgege deıin suraǵan. Ustalǵan azamatshanyń burynda zańmen máseleleri bolǵan, ol osyǵan uqsas qylmystar úshin sottalǵan.
Polıseıler osy azamatshanyń áreketinen zardap shekkenderdi, polısıaǵa myna telefon nómirleri arqyly habarlasýlaryn suraıdy: 8-707-447-07-50; 8-747-699-70-02.