Qazaqstanda «Bala quqyqtary týraly konvensıaǵa habarlamalar rásimine qatysty fakúltatıvtik hattamany ratıfıkasıalaý týraly» zań jobasy ázirlendi, dep habarlaıdy Almaty-akshamy.kz Egemen.kz-ke silteme jasap.
«Bala quqyqtary týraly konvensıaǵa qatysýshy memleketter násiline, túsine, jynysyna, tiline, dinine, saıası nemese ózge de nanymdaryna, ulttyq, etnıkalyq nemese áleýmettik shyǵý tegine, múliktik jaǵdaıyna, balanyń densaýlyq jaǵdaıy men týýyna, onyń ata-anasyna nemese zańdy qamqorshylaryna nemese qandaı da bir ózge mán-jaılarǵa qaramastan, qandaı da bir kemsitýshiliksiz ózderiniń ıýrısdıksıasy shegindegi árbir balaǵa onda kózdelgen barlyq quqyqtardy tanıdy», - delingen qujatta.
Qujattyń maqsaty – balalarǵa ne olardyń ata-analaryna (zańdy ókilderine) BUU-nyń Bala quqyqtary týraly komıtetine balanyń quqyqtary týraly konvensıada bekitilgen quqyqtarynyń buzylýy týraly shaǵym berýge múmkindik berý, eger bul buzýshylyqtar ulttyq sottarda tolyq sheshilmegen bolsa, sondaı-aq táýelsiz jáne beıtarap organdarǵa ótinishterdi joldaý arqyly memleket buzǵan balanyń negizgi quqyqtaryn qorǵaý tetigin damytý.
Qatysýshy memleket óziniń ıýrısdıksıasyndaǵy adamdardyń osy Hattamaǵa sáıkes Komıtetke habarlamalar jiberý nemese onymen yntymaqtastyq jasaý saldarynan adam quqyqtaryn qandaı da bir buzýshylyqtarǵa, qatygezdikpen qaraýǵa nemese qorqytýǵa ushyramaýyn qamtamasyz etý úshin barlyq qajetti qadamdardy qabyldaıdy.
Bul rette, kez kelgen tıisti adamnyń nemese tıisti adamdar tobynyń jeke basy qupıa bolatynyn aıta ketý kerek.