Almatydaǵy №96 mekteptiń 7 oqýshysy burysh balonynan ýlanyp qaldy.
Oqıǵanyń vıdeosy áleýmettik jelide tarady, dep habarlaıdy Almaty-akshamy.kz Ulysmedia.kz-ke silteme jasap.
Almaty qalalyq polısıa departamentiniń málimetinshe, oqys jaǵdaı 29 naýryz kúni mektep dárethanasynda úzilis kezinde bolǵan.
«29 naýryz kúni polısıa bólimshesine Almaly aýdanynda ornalasqan №96 jalpyǵa bilim beretin mekteptiń 9-synyp oqýshysy, qońyraý ýaqytynda dárethanada balonnan burysh shashyp, sonyń saldarynan janynda turǵan oqýshylarǵa ıis tıip, ýlanǵany týraly habar tústi. 7 oqýshy "jedel járdem" kóligimen aýrýhanaǵa jetkizildi»,- dep habarlady qalalyq polısıa departamentinen.
Atalǵan derek boıynsha, Almaly aýdandyq polısıa basqarmasy oqýshynyń ata-anasyna QR Ákimshilik quqyq buzý kodeksiniń 127-babyna sáıkes shara qoldanady.
Sonymen qatar materıal kámeletke tolmaǵandar isteri jónindegi komısıanyń qaraýyna jiberiledi.