Qaraly habardy Qazaqstan aýyr atletıka federasıasy jetkizdi.
«Keshe keshkisin tájirıbeli aýyr atlet Vladımır Sedov dúnıeden ótti. 2008 jylǵy Olımpıada qatysýshysy, Qazaqstannyń birneshe dúrkin chempıony jáne rekordsmeni Vladımır Sedov bala kezinen sportqa shyn berilgen jan edi. Erekshe jetistikteri úshin «Qurmet» ordenimen marapattalǵan. Aýyr atletıka federasıasynyń ujymy Vladımırdiń otbasyna, týǵan-týystary men jaqyndaryna qaıǵysyna ortaqtasyp kóńil aıtady»,-dep jazady federasıa Facebook paraqshasynda.
Vladımır Sedov 1988 jyly 2 naýryzda Úshtóbede dúnıege kelgen.
Sedovtar áýletinde tórt bala bar. Vladımır jastaıynan sportpen aınalysqan.
Aǵasy Sergeı Sedov jattyqtyrýshylyqpen aınalysady, Almaty oblysy aýyr atletıka federasıasynyń jattyqtyrýshysy bolǵan. Qazir aýyr atletıkadan Qazaqstan erler quramasynyń bapkeri.
Vladımır Sedov Qazaqstan Respýblıkasynyń eńbek sińirgen sport sheberi, halyqaralyq dárejedegi sport sheberi edi.