Bolashaq zeınetkerler úshin 2024 jyldyń 1 qańtarynan bastap jumys berýshiler tarapynan qosymsha zeınetaqy jarnalary tólenedi.
Bul týraly Úkimet otyrysynda Eńbek jáne halyqty áleýmettik qorǵaý mınıstri Tamara Dúısenova aıtty, dep habarlaıdy Almaty-akshamy.kz QazAqparatqa silteme jasap.
«Zeınetaqy mólsherin arttyrý jáne júıeniń qarjylyq turaqtylyǵyn qamtamasyz etý úshin jyl basynda bazalyq jáne eńbek zeınetaqylarynyń mólsherin esepteý parametrleri ózgertildi. Saralap kóterý tetigin qoldaný nátıjesinde eń tómengi bazalyq zeınetaqy mólsheri 21 paıyzǵa deıin ósti. Bul zeınetaqysy tómen zeınetkerlerge úlken áleýmettik qoldaý boldy. Al bolashaq zeınetkerler úshin 2024 jyldyń 1 qańtarynan bastap jumys berýshiler tarapynan qosymsha zeınetaqy jarnalary tólenedi», – dedi mınıstr.
Onyń atap ótýinshe, Áleýmettik kodekste BJZQ salymshysy óziniń zeınetaqy aktıvteriniń 50 paıyzdan aspaıtyn bóligin derbes tańdaýy boıynsha jeke basqarýshy ınvestısıalyq kompanıalarǵa berý múmkindigi kózdelgenin aıtady.
«Jyl basynan bastap qoldanysqa engizilgen Otbasynyń sıfrlyq kartasy proaktıvti qyzmet kórsetý quraly retinde tolyqqandy jumys istep tur. Esepti kezeńde 800 myńnan astam azamatqa proaktıvti qoldaý sharalaryn usynýǵa SMS joldady. Onyń ishinde 650 myń azamatqa tólemder proaktıvti túrde, 95 myń azamatqa «Azamattarǵa arnalǵan úkimet» memlekettik korporasıasy arqyly taǵaıyndaldy», - dedi Tamara Dúısenova.