Atalmysh jattyǵý Astrahan oblysynyń «Ashýlýk» polıgonynda ótip jatyr.
TMD-ǵa múshe bes memlekettiń eki myńnan astam áskerı qyzmetshisi Reseıde ótip jatqan «Jaýyngerlik dostyq -2021» atty oqý-jattyǵýyna qatysyp jatyr, dep habarlaıdy Almaty-akshamy.kz.
Mamandardyń aıtýynsha, «Jaýyngerlik dostastyq-2021» oqý-jattyǵýynyń belsendi kezeńi 14-25 qyrkúıek aralyǵynda Qazaqstanda «Saryshaǵan» polıgonynda ótedi. Oǵan Áýe shabýylyna qarsy qorǵanys áskerleri men Áskerı-áýe kúshterinen1 300-den astam áskerı qyzmetshi jáne 400-ge jýyq qarý-jaraq pen áskerı tehnıka jumyldyrylady.
Belsendi faza barysynda ÁSHQQ jaýyngerlik eseptoptary zenıttik-zymyran keshenderinen is júzinde oq atady. Áskerı avıasıa ekıpajdary áýedegi jáne jerdegi nysanalardy avıasıa quraldaryn urysta qoldaný arqyly zaqymdaı otyryp, kúndizgi jáne túngi ushýlardy pysyqtaıdy.
«Oqý-jattyǵý áskerı basqarý organdarynyń daıyndyq deńgeıin, jaýyngerlik eseptoptar men ekıpajdardyń úılesimdiligin arttyrý, sondaı-aq áýe shabýylyna qarsy jáne áýede shaıqastardy júrgizý tásilderin pysyqtaý maqsatynda ótkiziledi. Qarýly qaqtyǵystarda avıasıa men áýe shabýylyna qarsy qorǵanys áskerlerin qoldanýdy uıymdastyrý boıynsha túrli taktıkalyq epızodtar kórsetiledi», – dep atap ótti Áýe qorǵanysy kúshteri Bas shtabynyń bastyǵy, general-maıor Fazylolla Bádenov.
