1 qańtar men 4 qyrkúıek aralyǵynda monıtorıńtik toptar belgilengen karantındik shekteýlerdi buzǵan 3626 nysandy anyqtady. Sanıtarlyq dárigerler isteri sotta qaralatyn jıi tártip buzatyndardyń tizimin jarıalady dep habarlaıdy almaty-akshamy.kz
Vedomstvo habarlaǵandaı, jyl basynan beri monıtorıńtik toptar 37 972 obektini teksergen. Bular – negizinen karantın erejelerin elemeıtin kóńil kóteretin oryndar.
Aǵymdaǵy jyly buzýshylarǵa qatysty 5 706 hattama jasaldy, onyń ishinde 597 zańdy tulǵaǵa 209 mln teńgeden asatyn aıyppul salyndy, jeke tulǵalarǵa qatysty maska rejımin buzǵany úshin shamamen 225 mln teńge aıyppul salynyp, 5109 hattama toltyryldy. 425 baptyń 3-bóliminiń 1-tarmaǵy boıynsha 65 nysannyń jumysyn toqtatý týraly sheshim qabyldandy.
Almatynyń ákimshilik sottaryna 462 bap boıynsha 76 materıal jiberildi. SEBD isteri sotta qaralatyn karantındi jıi buzatyndardy atady. Osy tizimdigiler: Alimus bılárd klýby, «Alem» karaoke klýby, Port Billiard Hall bılárd klýby, «Labırınt» kafesi, «Lala» dúkeni, «Kuanysh Grand Hall» banket zaly, Late niqt shoý bary, «Báıterek» meıramhanasy.
Mekemelerdi tekserý jalǵasýda, mysaly, 1-3 qyrkúıek aralyǵynda Almatyda 20 karantındik buzýshylyq anyqtaldy. Sonymen, 1 qyrkúıekte Almaly aýdanynda shamamen 23.47 shamasynda baqylaý tobynyń ókilderi «Naıdstar» kafesinde buzýshylyqty tirkedi. Munda 30-ǵa jýyq kelýshi boldy.
Eske salsaq, Almatydaǵy epıdemıologıalyq jaǵdaı turaqsyz bolýda, táýlik saıyn qalada KVI ınfeksıasynyń shamamen 1000-1200 jaǵdaıy anyqtalýda. Sondyqtan megapolıstiń turǵyndary men qonaqtary, sondaı-aq kásipkerlik nysandary sanıtarlyq normalar men karantın talaptaryn qatań saqtap, adamdar kóp jınalatyn jerlerden aýlaq bolǵandary jón. Shekteý sharalaryna jaýapsyz qaraý jáne elemeý derttiń ýshyǵýyna ákelýi múmkin.