Bıylǵy oqý jylynan bastap Ózbekstanda oqýshy qyzdarǵa aq nemese ashyq tústi oramal taǵýǵa ruqsat etildi
Ózbekstandyq oqýshy qyzdar mektepte endi oramal taǵyp júre alady, dep habarlaıdy Almaty-akshamy.kz.
Bul týraly Ózbekstannyń bilim mınıstri Sherzod Shermatov 4 qyrkúıek kúni bolǵan ashyq dıalog kezinde aıtqan.
«Kóptegen ata-ananyń ótinishin eskere otyryp, qyzdarymyzǵa osy oqý jylynan bastap mektepte aq nemese ashyq tústi ulttyq oramal taǵyp, taqıa kıip júrýge ruqsat etpekpiz»,- dedi Ózbekstan Bilim mınıstri.
Mınıstrdiń aıtýynsha, qyzdarǵa jaǵasy uzyn kóılek kıýge de ruqsat berilmek.
Ózbekstan Mınıstrler kabınetiniń 2018 jylǵy 15 tamyzdaǵy qaýlysynyń («Memlekettik orta mektep oqýshylaryn zamanaýı mektep formasymen qamtamasyz etý týraly») 7-tarmaǵyna sáıkes, oqý orny ishinde oqýshylar bas kıimsiz júrýleri tıis.
Kezinde bul qaýlynyń qabyldanýy din jolyn ustanatyn ata-analardyń narazylyǵyn týdyrǵan.
Aıta keteıik, Ózbekstanda jańa oqý jyly 6 qyrkúıekte bastalady.