Daýys berýge óz balalaryn ákelgen azamattar bolashaq urpaqqa saılaýdaǵy atmosferany sezinýge múmkindik berdi. Bul, sózsiz, demokratıaǵa bastaıtyn jol. Halyqaralyq baıqaýshylardyń pikiri osy.
Jalpy, Túrkıadan kelgen mamandar Qazaqstandaǵy sıfrlandyrý júıesi jáne onyń saılaý kezinde paıdalanylý deńgeıine joǵary baǵa berdi, dep habarlaıdy Almaty-akshamy.kz.
Ásirese, memlekettik qyzmet kórsetý portaly arqyly saılaý ýchaskesin anyqtap, qujatty elektrondy túrde paıdalaný múmkindigi erekshe tańǵaldyrdy, - deıdi. Sheteldikter ýchaskelerde sanıtarlyq talaptardy saqtaý, dárigerler men eriktiler qyzmetiniń joǵary deńgeıde uıymdastyrylǵanyn atap ótti.
«Baıqaýshy retinde eshqandaı olqylyq oryn almaǵanyn aıtqym keledi. Basqa túrki memleketterimen salystyrǵanda, qazaqstandyqtardyń saıası belsendiligi joǵary. Máselen, turǵyndar daýys berip bolǵasyn sýretke túsip jatyr. Osy arqyly saılaýǵa óz erikterimen, azamattyq paryzyn óteýge kelgeni kórinip tur», - deıdi halyqaralyq baıqaýshy Iýksel Ózkan.