Andre Marsel Reıshar - elimizdegi saılaý naýqanynyń ótý barysyn baqylaýǵa kelgen 600 halyqaralyq baıqaýshynyń biri.
Halyqaralyq baıqaýshy 8 saılaý ýchaskesin aralaǵan, dep habarlaıdy Almaty-akshamy.kz
"Qazaqstan dál qazir damýdyń óte mańyzdy kezeńinde tur", - dep esepteıdi Fransıa senatory, Eýropa isteri jónindegi turaqty komıtet tóraǵasynyń orynbasary Andre Marsel Reıshar. Ol - elimizdegi saılaý naýqanynyń ótý barysyn baqylaýǵa kelgen 600 halyqaralyq baıqaýshynyń biri. Saıasatker 8 saılaý ýchaskesine bas suǵyp, saılaýdyń ótý barysyn jiti qadaǵalaǵan.
«Men saılaý prosesiniń ótý barysyn qalypty dep baǵalaımyn, barlyǵy shtattyq rejımde ótýde. Proses standartty qadamdardan turady: saılaýshy keledi, jeke kýáligin kórsetedi, jergilikti saılaý komısıasy ony saılaýshylar tiziminen tabady, sosyn ol qol qoıady, tek sosyn ǵana oǵan jalǵyz suraǵy bar búleten beriledi. Eń bastysy, «bir saılaýshy – bir daýys» degen negizgi prınsıpti ustanýǵa barlyq jaǵdaı jasalǵan», – dedi ol.