Mobıldi brıgadalar koronavırýstyq ınfeksıaǵa kúdikti nemese naýqas pasıentterge úıde ýaqytyly medısınalyq kómek kórsetý úshin uıymdastyryldy.
COVID-19 taralýyna jol bermeý jónindegi VAK-tyń málimeti boıynsha, qazir 3054 mobıldi brıgada jumys isteıdi, rezervte taǵy 1622 brıgada bar, dep habarlaıdy Almaty-akshamy.kz
QR-da jiti respıratorlyq aýrý belgileri bar, koronavırýstyq ınfeksıaǵa kúdikti nemese naýqas pasıentterge úıde ýaqtyly medısınalyq kómek kórsetý úshin emhanalar deńgeıinde mobıldi brıgadalar uıymdastyryldy.
Búgingi tańda 3054 mobıldi brıgada jumys isteıdi, rezervte taǵy 1622 brıgada bar. MB quramyna ýchaskelik dáriger (terapevt, pedıatr, jalpy praktıka dárigeri) jáne/nemese ýchaskelik meıirbıke, feldsher, akýsher, Densaýlyq saqtaý salasyndaǵy áleýmettik qyzmetker, júrgizýshi kiredi.
Mobıldi brıgadanyń quramy pasıentke úıde qyzmet kórsetý kezinde oryndalatyn fýnksıaǵa baılanysty, sondaı-aq epıdemıologıalyq jaǵdaıdy eskere otyryp, COVID-19 bar naýqastardyń qurylymyna súıene otyryp qalyptastyrylady. Qajet bolǵan jaǵdaıda MB quramyna beıindi mamandar tartylýy múmkin.
Úıge shaqyrýǵa qyzmet kórsetý kezindegi MB negizgi fýnksıalary:
-COVID-19 bar pasıentterge jáne úıde oqshaýlanǵan birge turatyn otbasy múshelerine keńes berý jáne tekserý;
-COVID-19 koronavırýstyq ınfeksıasy bar jáne aýrýdyń ortasha aýyr, aýyr túrine shaldyqqan jáne pasıentti qarap-tekserý, emdeýdi taǵaıyndaý jáne onyń jaı-kúıin baqylaý arqyly stasıonardan ambýlatorıalyq emdeý kezeńine shyǵarylǵan pasıentterge barý;
- polımerazdy tizbekti reaksıa (PTR)ádisimen SOVID-19-ǵa kúdikti pasıentterden bıologıalyq materıaldar úlgilerin alýdy júrgizý;
- dárilik zattardy «COVID-19 Koronavırýstyq ınfeksıasy» dıagnostıkasy men emdeýdiń klınıkalyq hattamasyna sáıkes taǵaıyndaý;
-qajet bolǵan jaǵdaıda tegin jáne (nemese) jeńildikpen qamtamasyz etý úshin dárilik zattar men medısınalyq buıymdardyń tizbesine sáıkes vırýstyq pnevmonıa jáne COVID-19 bar pasıentterge dárilik zattardy jetkizý;
- dárigerdiń taǵaıyndaýy boıynsha COVID-19 bar pasıentterge emsharalar men manıpýlásıalar júrgizý;
-qajet bolǵan jaǵdaıda COVID-19- bar pasıentterdi KT jáne rentgen dıagnostıkasyna medısınalyq kórsetkishter boıynsha jetkizý jáne keri qaıtarý, sondaı-aq, jedel medısınalyq kómek jetkizýdi júzege asyrý;
-medısınalyq kórsetkishter boıynsha COVID-19 bar pasıentterdi ınfeksıalyq jáne provızorlyq stasıonarlarǵa emdeýge jatqyzý, pasıenttiń jaǵdaıyna qaraı, ózge jaǵdaılarda emdeýge jatqyzýdy jedel medısınalyq járdem brıgadasy júzege asyrady;
- aýrýhanadan tys pnevmonıa jáne COVID-19 bar pasıentterge úıde stasıonar júrgizý;
- qolhat bere otyryp, úıde oqshaýlaýdy saqtaý sharttary týraly habarlama; pasıentti naýqasty nemese kútimdi júzege asyratyn adamdy ózin-ózi baqylaý chek-paraǵyn toltyrýdy úıretý týraly COVID-19 bar pasıentterdi habardar etý.
MB tirkelgen halyq sanyna baılanysty 5000 jáne odan da kóp halyqqa 1 brıgada esebinen, sondaı-aq epıdemıologıalyq jaǵdaıdy eskere otyryp, baqylaýǵa jatatyn shyǵýlar men pasıentter sanyna uıymdastyrylady.
Aýyl deńgeıinde dárigerlik ambýlatorıanyń jáne alǵashqy medısınalyq-sanıtarlyq kómek ortalyǵynyń janynan keminde bir MB qurylady.
Mobıldi brıgadalardyń jumys ýaqyty tańǵy 08.00-den keshki 20.00-ge deıin. Saǵat 20.00-den keıin shaqyrtýlarǵa qyzmet kórsetý úshin shaqyrtý sanatyna qaramastan jedel medısınalyq kómek (103) júzege asyrady. Sonymen qatar, qajet bolǵan jaǵdaıda, epıdemıologıalyq jaǵdaıdy eskere otyryp, óńirdiń densaýlyq saqtaý basqarmasynyń buıryǵymen kúndelikti jumystyń ózge uzaqtyǵy belgilenýi múmkin.