Nevropatolog dáriger uzaqqa sozylǵan bas aýrýy kezinde dereý dárigerge qaralý keregin aıtty.
Brıtandyq nevropatolog Mohan Sekeram bas aýyrǵan kezde adamǵa shuǵyl túrde dárigerden kómek suraý kerektigin kórsetetin birqatar belgilerdi atady, dep habarlaıdy Almaty-akshamy.kz Medic Forum saıtyna silteme jasap.
Uzaq ýaqytqa sozylǵan aýyrsynýdyń negizgi sebepteriniń biri naýqastyń ómir salty bolýy múmkin. Aýysymdyq jumys, túngi belsendilik, kofeni mólsherden artyq ishý, kompúterde jumys isteý kezinde bulshyq etterdiń zoryǵýy - munyń bári bas aýrýynyń habarshysy. Sonymen qatar, bul stress nemese uıqynyń buzylýyna baılanysty, sondaı-aq psıhıkalyq densaýlyǵynda problemalary bar adamdarda paıda bolýy múmkin.
Mamanǵa shuǵyl qaralýdy qajet etetin bes negizgi belgi:
- kózdiń bulyńǵyrlanýy nemese qosarlanyp kóriný,
- bas aýrýymen birge júretin qusý,
- bas aýrýy uıyqtaýǵa kedergi keltirýi,
- moıynnyń qurysyp qalýy jáne dene temperatýrasynyń joǵarylaýy,
- aýyrsynýdyń asqynyp, aýyrsynýdy basatyn dárilerdiń qajetti nátıje bermeýi.
Osy belgilerdiń kez kelgeni ómirge qaýip tóndiretin aýyr ishki patologıalardyń bolýyn kórsetedi.
Buǵan deıin joǵary sanatty kardıolog-dáriger Sergeı Ivanov qan qysymy joǵary adamdarǵa uzaq ýaqyt júrýge bolmaıtynyn aıtqan. Sebebi munyń saldary densaýlyqqa óte qaýipti. Ivanov gıpertonıanyń saldarynan qan tamyrlarynyń ishki qabaty buzylyp, aterosklerozdyń damýyna ákeletinin aıtty.