Qazaqstanda ózdiginen júrip-tura almaıtyn birinshi top múgedektigi bar azamattar memleket qarjysy esebinen jeke kómekshi qyzmetin paıdalana alady, dep habarlaıdy Almaty-akshamy.kz
Qyzmet HQKO nemese egov.kz portaly arqyly tegin rásimdeledi.
Qyzmetti onlaın alý úshin:
1. Portalǵa avtorızasıa arqyly kirińiz de, «Júrip-turýy qıyn birinshi toptaǵy múgedekterdi jeke kómekshiniń qyzmetimen qamtamasyz etýge qujattardy rásimdeý» qyzmetin tabyńyz;
2. Qyzmetke onlaın tapsyrys berińiz jáne ótinimdi toltyryp, oǵan ESQ nemese sms-parol arqyly qol qoıyńyz;
3. Sizdiń ótinimińizdi óńdeý týraly habarlama jeke kabınetińizge keledi.
Qyzmetti HQKO-da alý úshin:
1. Ótinish;
2. Jeke basyn kýálandyratyn qujat;
3. Múgedektigi bar adamnyń atynan júginseńiz senimhat kerek.
Eki jaǵdaıda da qyzmet kórsetý merzimi - 10 jumys kúni.
Klıentke jaýap SMS-habarlama arqyly joldanady.