Eń tómengi jalaqy mólsheri - 70 000 teńge.
Memleket basshysy Qasym-Jomart Toqaev 1 jeltoqsanda qol qoıǵan «2023-2025 jyldarǵa arnalǵan respýblıkalyq búdjet týraly» zań eń tómengi jalaqy mólsherin, AEK jáne basqa da eseptik kórsetkishterdi belgileıdi, dep habarlaıdy Almaty-akshamy.kz.
Máselen, 2023 jyldyń 1 qańtarynan bastap:
- eń tómengi jalaqy mólsheri - 70 000 teńge;
- memlekettik bazalyq zeınetaqy tóleminiń eń tómengi mólsheri - 24 341 teńge;
- zeınetaqynyń eń tómengi mólsheri - 53 076 teńge;
- aılyq eseptik kórsetkish - 3450 teńge;
- bazalyq áleýmettik tólemderdiń mólsherin esepteý úshin eń tómengi kúnkóris deńgeıiniń shamasy - 40 567 teńge mólsherinde belgilendi.
Sondaı-aq jasyna baılanysty zeınetaqy tólemderine jáne eńbek sińirgen jyldary úshin zeınetaqy tólemderine baǵyttalǵan qarajat olardyń mólsherin 10,5%-ǵa arttyrýdy eskere otyryp kózdelgeni anyqtaldy.
Áskerı qyzmetshilerge (merzimdi qyzmettiń áskerı qyzmetshilerinen basqa) jáne arnaýly memlekettik jáne quqyq qorǵaý organdarynyń, memlekettik feldegerlik qyzmettiń qyzmetkerlerine turǵyn úıdi ustaýǵa jáne komýnaldyq qyzmetterge aqy tóleýge arnalǵan aqshalaı ótemaqynyń aılyq mólsheri 3739 teńgeni quraıdy.