Almaty qalasy ákimdiginiń mádenıet basqarmasy men Qazaqstan Jazýshylar odaǵy «JAS QALAM» atty balalar ádebıetiniń úzdik týyndylarynyń respýblıkalyq konkýrsyn jarıalaıdy
2022 jyldy Qazaqstan Respýblıkasynyń Prezıdenti Qasym-Jomart Toqaev Balalar jyly dep málimdegeni barshaǵa belgili. Atalǵan baıqaý balalar ádebıetine qalam terbeýge múddeli qalamgerler qataryn kóbeıtý ári búgingi ádebıetke balalar ádebıeti baǵytyndaǵy jańa shyǵarmalar legin qosý maqsatynda uıymdastyrylyp otyr, dep habarlaıdy Almaty-akshamy.kz. Egemen.kz-ke silteme jasap.
Bul baıqaýdy bıylǵy Balalar jyly aıasyndaǵy ozyq sharalardyń biri dep ataýǵa bolady. Kelip túsken shyǵarmalardyń kitap bolyp jaryq kóretininen bólek, baıqaýdyń qomaqty qarjylaı júldesi arqyly jas qalamgerlerdiń shyǵarmashylyǵyna qoldaý kórsetý kózdelgen.
Baıqaýǵa shyǵarmalar tómendegi úsh janr boıynsha qabyldanady:
- Proza;
- Poezıa;
- Dramatýrgıa.
Júldeler ár janr boıynsha:
İ oryn: 1 000 000 teńge
İİ oryn: 800 000 teńge
İİİ oryn: 500 000 teńge
Baıqaýǵa shyǵarmalar 10 jeltoqsanǵa deıin ǵana qabyldanady.
Shyǵarmalardyń rásimdelýine qoıylatyn talaptar:
Proza: 10 betten kem emes, pishini: 14,Times New Roman qarpimen, 1 ınterval.
Poezıa: 10 shýmaqtan kem emes, pishini: 14, Times New Roman qarpimen, 1 ınterval.
Dramatýrgıa: 15 betten kem emes, pishini: 14, Times New Roman qarpimen, 1 ınterval.
Buryn jarıalanǵan shyǵarmalar qabyldanbaıdy.
Baıqaýǵa qolynan jazý keletin, 18-35 jastaǵy Qazaqstan aýmaǵynda turatyn kez kelgen qalamger qatysa alady. Sonymen qatar ár qatysýshydan tek bir ǵana atalym boıynsha shyǵarma qabyldanady.
Qatysýshylardy irikteý krıterııleri:
1. Baıqaýǵa kompúterde terilgen shyǵarmalar qabyldanady. Shyǵarmalardy qabyldaý úshin ár qatysýshy óziniń tolyq aty-jóni, ózi týraly tolyq maǵlumat (jasy, baılanys nómiri, turǵylyqty mekenjaıy, jumys nemese oqý orny,shyǵarmashylyq ómirbaıany) usynylǵan qatysýshy paraǵyn toltyryp jiberýi tıis. (Erejege Qosymsha №1 qatysýshy paraǵy tirkelgen).
2. Sapaly oryndalǵan jumystar ǵana qabyldanady (qoljazbalar baıqaýǵa jiberilmeıdi).
3. Kelip túsken shyǵarmalar saraptama kezeńine nómirlenip usynylady. Iaǵnı sarapshylar avtorǵa emes tek shyǵarmaǵa baǵa beredi.
Eskeretin jaıt: Qatysýshy paraǵy joq nemese toltyrylmaǵan, shyǵarmalary baıqaý talabyna sáıkes kelmeıtin, buryn jarıalanǵan jumystar baıqaýdyń saraptamalyq kezeńine jiberilmeıdi.
Qatysýshy paraǵy toltyrylǵan, «Balalar baıqaýyna» degen taqyryp qoıylǵan ótinimder baiqau2022@gmail.com elektrondy poshtasynda qabyldanady.
Uıymdastyrýshylardyń baıqaýǵa kelip túsken shyǵarmalardy avtordyń ruqsatynsyz, qalamaqysyz balalar ádebıetin nasıhattaý maqsatynda jarıalaýǵa jáne taratýǵa tolyq quqy bar.