Jeńimpazdar 13 jeltoqsan marapattalady.
6-11 jeltoqsan kúnderi Almatydaǵy Muhtar Áýezov atyndaǵy Qazaq ulttyq drama teatry "Qara shańyraq - 2022" jańa qoıylymdar festıvalin ótkizedi, dep habarlaıdy Almaty-akshamy.kz .
"Festıváldiń maqsaty – jańa qoıylymdardyń shyǵarmashylyq sapasyn, onyń ishinde akterlerdiń tabysty jumysyn anyqtaý. Shyǵarmashylyq quramǵa jańa serpin berip, kórermen men teatr arasyndaǵy baılanysty nyǵaıtý", - delingen teatrdyń baspasóz qyzmeti taratqan habarlamada.
Festıvál barysynda qazylar alqasy nomınasıalar boıynsha úzdikterdi anyqtap, jeńimpazdar 13 jeltoqsan marapattalady.
Sharanyń ashylý saltanatynda kitaptardyń tusaýkeseri, "Á.Mámbetovtiń týǵanyna – 90 jyl" atty kórme "Qan men ter. Aqbala" tragedıasynyń kórsetilimi ótedi.
Festıvál barysynda Q.Begmanovtyń "Meniń Mustafam!.." monospektakli, D.Isabekovtiń "Maqshar túngi mahabbat" mıstıkalyq dramasy, R.Otarbaevtyń "Qytaıdan jetken sálemdeme" dramasy, M.Áýezovtiń "Qaragóz" tragedıasy jáne ózge de qoıylymdar kórermen nazaryna usynylady.