Azamattarǵa vaksınalaýdyń barlyq kezeńderinen ótkennen keıin 3 tilde qoljetimdi elektrondyq qujat beriledi.
Qazaqstan úkimeti «vaksınalaý pasportynyń» jańa nusqasyn usyndy, dep habarlaıdy Almaty-akshamy.kz.
«Búgingi tańda Qazaqstan Respýblıkasynyń Bas memlekettik sanıtarlyq dárigeriniń qaýlysyna ózgerister engizilýde, onda Qazaqstannyń sıfrlyq damý, ınovasıalar jáne aeroǵarysh ónerkásibi mınıstrligi Qazaqstan Respýblıkasynyń Densaýlyq saqtaý mınıstrligimen birlesip ázirlegen eGov mobile mobıldik qosymshasynyń «sıfrlyq qujattar» servısinde elektrondyq «vaksınalaý pasportynyń» jańa nusqasy usynyldy», – delingen Densaýlyq saqtaý mınıstrligi baspasóz qyzmetiniń habarlamasynda.
Mamandardyń aıtýynsha, elektrondyq qujattyń jańa nusqasynda týǵan kúni, tólqujat nómiri, QR-kod sıaqty jańa derekter qosyldy. Qujat ıesi suraý salýshy tarapqa QR-kodty usyna alady, bul qujattyń zańdylyǵyn tekserýge kómektesedi. Kodty skanerleý kezinde pasıenttiń vaksınalaýdan ótkeni týraly derbes derekterdiń taralýyn qorǵaý maqsatynda anyqtamadaǵy derekter jasyrylǵan (derekterdiń bir bóligi ***belgilengen) pasıenttiń vaksınalanýy týraly derekteri bar betke kóshý júzege asyrylady.
Qajet bolǵan jaǵdaıda mobıldi qosymshany paıdalanýshynyń telefondaǵy messendjerler arqyly óziniń elektrondyq qujatymen bólisý múmkindigi bar.
«EGOV mobile mobıldik qosymshasynyń «sıfrlyq qujattar» servısinde ornalastyrylǵan vaksınasıalaýdyń elektrondyq pasportyn usynýǵa múmkindigi joq adamnyń vaksınasıasyn rastaý úshin medısına qyzmetkeri medısınalyq uıymnyń aqparattyq júıesinen basyp shyǵarǵan qaǵaz jetkizgishtegi anyqtamany usyný múmkindigi bar», – dep habarlady mamandar.