2021 jylǵy 28 maýsym men 2 shilde aralyǵynda Abaı atyndaǵy QazUPÝ-da Soltústik Qazaqstan oblysynyń bilim basqarmasymen yntymaqtastyq aıasynda joǵaryda atalǵan óńirdiń bilim basqarmasyna qarasty orta bilim berý uıymdarynyń «Qazaq tili men ádebıeti» páni muǵalimderine arnalǵan «Esse: sheberlik pen úılesimdilik» kýrsy ótkizildi. Kýrsqa barlyǵy 29 muǵalim qatysty.
Kýrs spıkeri Abaı atyndaǵy Qazaq ulttyq pedagogıkalyq ýnıversıtetiniń aǵa oqytýshysy, «Bolashaq» baǵdarlamasynyń túlegi, «Akademıalyq jazylym» eńbeginiń avtory Edilbaı Ospanov boldy. Edilbaı Ospanov kýrs qatysýshylaryna esse jazýdyń qyr-syryn jan-jaqty taldap, ǵylymı deńgeıde túsindirdi. Kýrs sońynda barlyq qatysýshy muǵalimderge sertıfıkat jáne Edilbaı Ospanovtyń «Akademıalyq jazylym» eńbegi tabystaldy.