Naızaǵaı oınap, daýyl turady, aptap ystyq bolady
Búgin Nur-Sultan qalasy men elimizdiń 10 óńirinde daýyldy eskertý jarıalandy, dep habarlaıdy Almaty-akshamy.kz.
Nur-Sultanda kúndiz ońtústik-batystan soqqan jeldiń ekpini 15-20 m/s quraıdy.
Aqmola oblysynyń túnde shyǵysynda, kúndiz batysynda naızaǵaı jarqyldap, burshaq túsedi, shańdy daýyl turady dep kútiledi. Kúndiz oblystyń soltústiginde, batysynda, shyǵysynda ońtústik-batystan jel soǵady, ekpini 15-20 m/s jetedi.
Kúndiz Batys Qazaqstan oblysynyń soltústik-shyǵysynda naızaǵaı oınap, kún kúrkireıdi dep kútiledi. Soltústik-batystan jel soǵady, kúndiz ońtústikte, soltústik-shyǵysta soqqan jeldiń ekpini 15-20 m/s jetedi.
Túnde Mańǵystaý oblysynyń batysynda, ońtústiginde, ortalyǵynda, kúndiz ońtústik-shyǵysynda naızaǵaı oınap, kún kúrkireıdi dep kútiledi. Túnde óńirdiń ońtústik-shyǵysynda, kúndiz soltústiginde shańdy daýyl turady dep kútiledi. Soqqan jeldiń ekpini 15-20 m/s quraıdy.
Tańerteń jáne kúndiz Túrkistan oblysynyń taýly aýdandarynda jáne taý bókterinde naızaǵaı oınap, daýyl turady, soltústikte, batysta shańdy daýyl bolady dep kútiledi. Soltústik-batystan tańerteń jáne kúndiz oblystyń soltústiginde, batysynda, taýly aýdandary men taý bókterinde soqqan jeldiń ekpini 15-20 m/s quraıdy. Kúndiz soltústik-batystan jel soǵady, ekpini 15-20 m/s jetedi. Tańerteń jáne kúndiz soltústik-batystan jel soǵady, ekpini - 15-20 m/s.
Kúndiz Pavlodar oblysynyń soltústiginde, ońtústiginde naızaǵaı oınaıdy dep kútiledi. Ońtústik-shyǵystan soqqan jeldiń ekpini 18 m/s quraıdy.
Kúndiz Qostanaı oblysynyń soltústik-batysynda, soltústiginde naızaǵaı oınap, burshaq túsedi, daýyl turady dep kútiledi. Ońtústik-batystan soltústik-batysqa oıysa soqqan jeldiń ekpini 15-20 m/s quraıdy.
Kúndiz Shyǵys Qazaqstan oblysynyń soltústik-batysynda, ońtústiginde 36 gradýs aptap ystyq bolady dep kútiledi. Semeıde kúndiz 34-36 gradýs qatty ystyq bolady.
Qyzylorda oblysynda soltústik-batystan jel soǵady, kúndiz oblys ortalyǵynda jeldiń jyldamdyǵy 15-20 m/s jetedi. Qyzylordada kúndiz soltústik-batystan jel soǵady, ekpini - 15-20 m/s.
Soltústik Qazaqstan oblysynyń soltústiginde, soltústik-shyǵysynda, batysynda naızaǵaı oınap, burshaq jaýady dep kútiledi. Ońtústik-batystan soqqan jeldiń ekpini 15-20 m/s quraıdy, Petropavlda kúndiz naızaǵaı oınap, ońtústik-batystan jel soǵady, ekpini 15-20 m/s jetedi.
Kúndiz Qaraǵandy oblysynyń soltústiginde, shyǵysynda naızaǵaı jarqyldaıdy dep kútiledi. Ońtústik-batystan, batystan jel soǵady, kúndiz soltústikte, shyǵysta soqqan jeldiń ekpini 15-20 m/s jetedi.