Úkimette Qazaqstannyń avıakásiporyndaryn tekserý nátıjeleri aıtyldy, dep habarlaıdy aqshamnews.kz.
Premer-mınıstr Oljas Bektenovtiń tapsyrmasy boıynsha Avıasıalyq ákimshilik negizgi iri avıakásiporyndardy, Astana, Pavlodar, Almaty, Aqtaý, Shymkent, Óskemen qalalaryndaǵy 6 áýejaıdy áýeaılaqtardyń tehnıkalyq jaı-kúıi, ushýlardy avarıalyq-qutqarý jáne ornıtologıalyq qamtamasyz etý, alty turaqty áýe tasymaldaýshynyń 71 azamattyq áýe kemesin perrondyq tekserý turǵysynan tekserdi.
Tekserý nátıjesinde 18 buzýshylyq joıyldy. Sondaı-aq 686 ushqyshtyń daıyndyǵy men ushý aldyndaǵy baqylaýyna taldaý júrgizildi. Sonymen qatar, Bas kólik prokýratýrasymen birlesip avıasıalyq qaýipsizdik máselelerine qosa, azamattyq avıasıanyń negizgi sýbektilerin jospardan tys tekserý jalǵasýda. Bul derekterdi Úkimet otyrysynda Qazaqstannyń Avıasıalyq ákimshiliginiń bas dırektory Katalın Radý aıtty.