Qazaqstannyń avıasıa salasynyń sıfrlyq transformasıasy memlekettik-jekeshelik áriptestiktiń iri jobalary sheńberinde damýyn jalǵastyrýda.
Kólik vıse-mınıstri Talǵat Lastaev Úkimet otyrysynda baıandaǵandaı, «E-freight» júk tasymaldarynda elektrondyq qujat aınalymy júıesi engizildi, dep habarlaıdy aqshamnews.kz Úkimettiń Telegram-kanalyna silteme jasap.
Elimizdiń áýejaılarynda jolaýshylarǵa qaǵaz qujattaryn kórsetpeı-aq tirkeýden jáne baqylaýdan ótýge múmkindik beretin «E-doc-airport» elektrondyq jeke kýálik júıesi belsendi qoldanylýda. Jolaýshylardy bıometrıalyq sáıkestendirý, ushaqtyń ushý ýaqytyn jáne otyn shyǵynyn azaıtý úshin baǵyttardy ońtaılandyrý jáne reısterdiń keshigýi kezinde sıfrlyq saqtandyrý qyzmeti sıaqty ınovasıalar iske asyrylý satysynda.
Bul avıabıletterdi satýǵa arnalǵan qosymshaǵa engizilgen arnaıy qyzmet túri, ol jolaýshylarǵa reıs keshiktirilgen jaǵdaıda saqtandyrýǵa jáne tólemderdi birden alýǵa múmkindik beredi.