Nur-Sultan, Aqtaý jáne Aqtóbe áýejaılarynda avıaotyn sarqylǵan. SSAT áýe kompanıasy otynnyń 26 qazanda taýsylǵanyn, biraq ózderi jınaǵan qordyń arqasynda jolaýshylar tasymaly toqtamaǵanyn jetkizdi, dep habarlaıdy almaty-akshamy.kz
Alaıda kerosın quny olarǵa eki ese qymbatqa túsken. Avıaotyn óndirisiniń azaıýy ahýaldy nasharlatyp jiberdi. Kompanıa ókilderiniń aıtýynsha, bul reısterge keri áser etip qoımaı, bılettiń de qymbattaýyna sebep bolýy múmkin. Óıtkeni avıasıalyq otynnyń quny bılet baǵasynyń 40 prosentin quraıdy. Al quzyrly mınıstrlik aı sońyna deıin elimizdegi munaı óńdeý zaýyttary qosymsha 2000 tonna avıaotyn shyǵaratynyn habarlady.
Qarashada iri tasymaldaýshylar ony áýejaılarǵa jedel jetkizýge kirisedi. Buǵan deıin otyn tapshylyǵyn alǵa tartqan elordadaǵy áýejaıǵa qosymsha 700 tonna avıaotyn beriletin bolady. Degenmen áýejaılarǵa bul máseleni óz betinshe sheshýge keńes berildi.