28 qazanda elimizde «Baıqońyr» ǵarysh aılaǵynan ushyrý kezinde zymyran-tasyǵyshtardyń avarıasymen baılanysty tótenshe jaǵdaılar týyndaǵan kezde azamattyq qorǵaýdyń memlekettik júıesiniń basqarý organdarynyń kúshteri men quraldarynyń is-qımylǵa daıyndyǵy» taqyrybynda «Zymyran-2021» respýblıkalyq komandalyq-shtabtyq oqý-jattyǵýy bastaldy.

Oqý-jattyǵýdy úılestirý jáne basshylyq etý jónindegi shtab Jezqazǵan qalasynda ornalasqan. Oqý-jattyǵýdyń basshysy - Qazaqstan Respýblıkasy tótenshe jaǵdaılar mınıstriniń mindetin atqarýshy polkovnık Marat Kúldikov.

Oqý-jattyǵý azamattyq qorǵaý kúshteri men quraldaryn basqarý organdaryn ázirlikke keltirý týraly dabyldy jetkizýden bastaldy. Azamattyq qorǵaý qyzmetteri men jergilikti atqarýshy organdar árbir óńir úshin jeke aıqyndalǵan tıisti kirispe boıynsha is-sharalardy pysyqtady.

Oqý-jattyǵý sheńberinde zymyran bólikteriniń avarıalyq qulaý saldaryn joıý, halyqty jaqyn eldi mekenderden evakýasıalaý, aýyl sharýashylyǵy jáne úı janýarlaryn dıspanserleý, geptıldi detoksıkasıalaý, búlingen jer ýchaskelerin rekýltıvasıalaý boıynsha birinshi kezektegi is-sharalardy ótkizý máseleleri pysyqtaldy.

Komandalyq-shtabtyq oqý-jattyǵý Aqmola, Aqtóbe, Shyǵys Qazaqstan, Qaraǵandy, Qostanaı, Qyzylorda, Pavlodar, Soltústik Qazaqstan oblystarynyń, Nur-sultan qalasynyń aýmaǵynda ótýde. Oǵan barlyq deńgeıdegi azamattyq qorǵaý qyzmetteri, QR TJM bólimsheleri, jergilikti atqarýshy organdar, «RosKosmos» MK tartylǵan.

Oqý-jattyǵý «Baıqońyr» ǵarysh aılaǵynan zymyrandardy ushyrý kezinde avarıalar týyndaǵan jaǵdaıda azamattyq qorǵaýdyń memlekettik júıesiniń uıymdastyrylýyn jetildirý, sondaı-aq basqarý organdaryn, kúshteri men quraldaryn daıarlaý maqsatynda Qazaqstan Respýblıkasynyń Úkimeti men Reseı Federasıasynyń Úkimeti arasyndaǵy ózara is-qımyl tártibi týraly kelisimge sáıkes júrgiziledi.