Bul týraly Terorızmge qarsy qurylymdyq shtab ortalyǵynyń jetekshisi Janarbek Janabaev Kazakhstan Security System aıasynda ótken respýblıkalyq konferensıa barysynda aıtty, dep habarlaıdy almaty-akshamy.kz
Sırıadaǵy DAISH quramyndaǵy qazaqstandyq azamattardy elge qaıtarý boıynsha «Jýsan» áleýmettik operasıasy júzege asyryldy. Operasıa aldynda daıyndyq jumystary júrgizildi. Arnaıy top Sırıaǵa baryp, ońaltý baǵdarlamasy ázirlendi. Jalpy 607 qazaqstandyq azamat elge qaıtaryldy. Onyń ishinde 157 áıel men 37 er adam, 413 kámeletke tolmaǵan, 34 jetim bala bar,- dedi Janabaev.
Ol atap ótkendeı, 59 adam qylmystyq jaýapkershilikke tartyldy.
Osylaısha, terorızm úshin jazadan jaltarmaý ustanymy júzege asyryldy. Beıimdelý men ońaltýdyń keshendi sharalary 88 áıeldi dástúrli ıslamǵa oralýǵa nemese qalypty ómirge beıimdeýge múmkindik berdi. 77 áıel radıkaldy ıdeologıadan bas tartty. Qazir bizdiń tájirıbeni birqatar el óz azamattaryn elge qaıtarý boıynsha qoldanýǵa qyzyǵýshylyq tanytyp otyr, - dedi Janabaev.