Zeınetaqy mólsheri orta eseppen 51%-ǵa deıin arttyrylatyn bolady.
Memleket basshysy Qasym-Jomart Toqaevtyń bıylǵy 1 qyrkúıektegi Qazaqstan halqyna Joldaýynda zeınetaqy júıesiniń tıimdiligin arttyrý boıynsha jańa sharalar paketi usynyldy. Olardy iske asyrý maqsatynda QR Áleýmettik kodeksiniń jobasy sheńberinde bazalyq zeınetaqy mólsherin arttyrý jáne yntymaqty zeınetaqyny esepteý úshin eń joǵary tabysty ulǵaıtý kózdeletin bolady. Buǵan deıin qabyldanǵan sheshimdermen birge bul 2025 jylǵa qaraı jıyntyq zeınetaqyny orta eseppen 27%-ǵa ulǵaıtýǵa múmkindik beredi, dep habarlaıdy Almaty-akshamy.kz.
Eńbek mınıstrliginiń málimeti boıynsha, búgingi tańda ózgerister nátıjesinde Qazaqstanda bazalyq jáne yntymaqty zeınetaqyny, sondaı-aq BJZQ-dan tólenetin zeınetaqy tólemin (qyzmetkerdiń zeınetaqy jınaqtary esebinen qalyptastyrylady) qamtıtyn kóp deńgeıli zeınetaqy júıesi qalyptasty.
Yntymaqty zeınetaqy júıesi birtindep qysqaratyny belgili, óıtkeni olardy taǵaıyndaý kezinde 1998 jylǵy 1 qańtarǵa deıin, ıaǵnı jınaqtaýshy júıesi engizilgenge deıingi eńbek ótili eskeriledi.
Zeınetaqy júıesiniń tıimdiligin arttyrý jáne azamattardy zeınetaqynyń tıisti mólsherimen qamtamasyz etý maqsatynda Áleýmettik kodeks jobasy sheńberinde mynadaı ózgerister engizý usynylady:
Birinshi. 2023-2027 jyldar aralyǵyndaǵy kezeńde eń tómengi bazalyq zeınetaqynyń mólsherin kezeń-kezeńimen eń tómengi kúnkóris deńgeıiniń shamasynan 54-ten 70%-ǵa deıin, eń joǵary mólsherin 100-den 120%-ǵa deıin jetkizý kózdelip otyr.
Osy kezeńde bazalyq zeınetaqy mólsheri orta eseppen 51%-ǵa deıin arttyrylatyn bolady. Bul rette bazalyq zeınetaqynyń ortasha mólsheriniń jyl saıynǵy ósýi shamamen 13%-dy quraıdy jáne barlyq 2 mln zeınetkerge qatysty bolady.
Ekinshi. 2023 jylǵy 1 qańtardan bastap zeınetke shyǵatyn azamattar úshin yntymaqty zeınetaqylardy esepteý úshin paıdalanylatyn eń joǵary tabystyń shamasyn 46-dan 55 aılyq eseptik kórsetkishke deıin arttyrý kózdeledi.
Usynylyp otyrǵan sharalar 2025 jylǵa qaraı jıyntyq zeınetaqyny orta eseppen 27%-ǵa (3 jyl ishinde – 109-dan 138 myń teńgege deıin) arttyrýǵa jáne jıyntyq zeınetaqydaǵy memlekettik tólemderdiń úles salmaǵyn arttyrýǵa múmkindik beredi. Osylaısha, memleket qart adamdar arasynda kedeıliktiń ósýine jol bermeý boıynsha mindettemeler qabyldaıdy.