Bul jumys Prezıdent Qasym-Jomart Toqaevtyń Qazaqstan halqyna Joldaýy aıasynda júzege asyryldy.
Sıntetıkalyq esirtkini tutynýdyń artýy – ult densaýlyǵyna úlken qaýip tóndiredi, dep habarlaıdy Almaty-akshamy.kz Polisia.kz-ke silteme jasap.
«El Prezıdenti Qasym-Jomart Toqaev osy asa qaýipti áleýmettik aýrýdyń aýqymyn eskere otyryp, sıntetıkalyq esirtkini óndirý men taratýǵa qarsy kúres ulttyq sıpat alýy kerektigin atap ótti. Bul bólimde qoǵamdyq birlestikterdiń róli mańyzdy. Bir kún buryn “Narkostop” qoǵamdyq qozǵalysynyń eriktilerimen beıresmı kezdesý ótkizdim. Olarǵa kúndelikti jumysy, qalamyzdy tazartýǵa qosqan orasan zor úlesteri úshin myń alǵys. Men búgin sizdermen jumys isteýge daıynmyn», – dedi Zapparov.
“Narkostop” jobasynyń jetekshisi Nurjan Jaqypovtyń aıtýynsha, bir jylǵa jeter-jetpes ýaqyt ishinde komanda 40 adamnan 1200 turaqty eriktige deıin ósti.
«Almaty polısıasynyń belsendi atsalysýymen bıylǵy jyldyń basynan beri bizdiń eriktiler qozǵalysy esirtki jarnamalaıtyn 170 myń graffıtıdi boıady. Qazirgi jaǵdaıda sıntetıkalyq nashaqorlyqtyń taralý qarqynyn eskere otyryp, qoǵamymyzdyń árbir múshesi polısıaǵa kómektesýge belsene atsalysyp, úles qosýy kerek dep esepteımiz. Qabyrǵalardaǵy jazýlarǵa beıjaı qaramańyz, óıtkeni mundaı jazýlardyń árqaısysy - bireýdiń taǵdyry. Bul - bizdiń ortaq máselemiz, ony sheshýde qoǵam men polısıa birtutas bolyp birigýi kerek», – dedi Nurjan Jaqypov.