Qazaqstanda blogerlerge baqylaý kúsheıe me?
AMANAT fraksıasynyń depýtattary ınflúenserler men áleýmettik jelilerdegi zańsyz lotereıalar men gıvterdi uıymdastyrýshylarǵa qatań baqylaý engizýdi usynady, dep habarlaıdy aqshamnews.kz.
Depýtat Erlan Saıyrov blogerler men koýchtardyń áleýmettik jelilerde jazylýshylar esebinen zańsyz aqsha taýyp otyrǵanyn aıtty. Bir jyl ishinde 100-den astam osyndaı utys oıyny anyqtalyp, olardyń uıymdastyrýshylaryna 46 mıllıon teńge aıyppul salynǵan.
«Olar bılet pen túbirtekterdi satyp, týrısik joldamalar, tehnıka, zergerlik buıymdar, lúks jyljymaıtyn múlik pen avtomobılderdi satý túrinde konkýrstar ótkizedi. Mundaı kúmándi aksıalar zańsyz», – dedi depýtat óz baıandamasynda.
Májilismender blogerlerdiń tabysyna salyq salý máselesin kóterdi. Saıyrov mundaı tájirıbe AQSH, Ulybrıtanıa jáne Qytaıda bar ekenin atap ótti, al keıbir elderde salyq mólsherlemesi 40%-ǵa deıin jetedi eken.