Zańdy tulǵalardy tirkeý, shaǵyn jáne orta kásipkerlik sýbektileriniń fılıaldary men ókildikterin eseptik tirkeý qyzmetteri avtomattandyryldy.
Ol úshin elektrondyq úkimettiń veb-portalyna elektrondyq habarlama berse jetkilikti, dep habarlaıdy Almaty-akshamy.kz Elorda.info saıtyna silteme jasap.
Egov.kz portaly arqyly 30 mınýt ishinde bıznesti tirkeýge bolady. Bul rásimniń qarapaıymdatylǵany sonshalyq, tipti JSHS ashý úshin, mysaly, isin jańa bastaǵan kásipkerge jarǵy qajet emes, ol tirkeý jarnalaryn tóleýden bosatylady jáne salyq komıtetine barmaýyna bolady. Habarlama berý úshin tek kompúter men elektrondyq sıfrlyq qoltańba qajet.
Shaǵyn kásipkerlik sýbektisine jatatyn zańdy tulǵany memlekettik tirkeý úshin quryltaıshy sondaı-aq elektrondyq úkimettiń veb-portaly arqyly tirkeýshi organǵa kásipkerlik qyzmettiń bastalǵany týraly elektrondyq habarlama berýi qajet. Sonymen qatar, tirkeý kezinde ótinish berýshige zańdy tulǵalardyń jarǵylaryn usynýdyń qajeti joq.
Tıisti joldardy toltyrǵannan keıin, júıe barlyq derekterdiń durystyǵyn tekserýdi suraıdy. Engizilgen derekterdiń durystyǵy rastalǵannan keıin jáne júıe durys jumys istep tursa, tirkeý týraly anyqtama 30 mınýt ishinde beriledi.