Jel soǵyp, naızaǵaı oınaıdy.
Sınoptıkter elimizdiń alty oblysynda kún kúrkirep, qatty jel soǵady dep boljam jasady, dep habarlaıdy Almaty-akshamy.kz «Qazgıdromet» RMK-ǵa silteme jasap.
13 mamyr kúndiz Soltústik Qazaqstan oblysynyń batysynda kún kúrkireıdi. Túnde jáne tańerteń oblystyń ońtústigine tuman túsedi. Ońtústik-shyǵys jeli kúndiz oblystyń soltústiginde, batysynda ekpini 15-20 m/s bolady.
Petropavlda kúndiz ońtústik-shyǵystan jel soǵady, ekpini 15-20 m/s jetedi.
Qyzylorda oblysynyń shyǵysy men ońtústiginde kún kúrkirep, daýyl bolady. Soltústik-batys baǵyttan kúndiz soltústikte, oblys ortalyǵynda 15-20 m/s jyldamdyqpen jel esedi.
Túnde jáne kúndiz Qaraǵandy oblysynyń batysynda, ońtústiginde, shyǵysynda naızaǵaı oınaıdy. Soltústik-shyǵystan ońtústik-batysqa aýysatyn jel kúndiz oblystyń batysynda, ońtústiginde, shyǵysynda ekpini 15-20 m/s jetedi.
Batys Qazaqstan oblysynyń shyǵysynda, soltústik-shyǵysynda naızaǵaı oınap, burshaq jaýady jáne daýyl bolady. Ońtústik-batystan jel soǵady, kúndiz oblystyń soltústik-shyǵysynda ekpini 15-20 m/s jetedi. 13 mamyrda Oralda kún kúrkireıdi. Ońtústik-batystan jel soǵady, kúndiz ekpini 18 m/s jetedi.
Kúndiz Almaty oblysynyń ońtústiginde, taýly jáne taý bókterindegi aýdandarynda naızaǵaı oınaıdy. Soltústik-batystan jyldamdyǵy 15-20 m/s jel soǵyp, naızaǵaı oınaıdy.
Atyraý oblysynda kúndiz shańdy daýyl turady. Ońtústik-batystan, batystan soqqan jel kúndiz oblystyń basym bóliginde ekpini 15-20, oblystyń batysynda 23 m/s, Atyraýda kúndiz ońtústik-batystan soqqan jel 15-20 m/s-qa jetedi.