Úkimet birqatar jobalardy pysyqtap jatyr.
Qazaqstan Úkimeti aldaǵy úsh jylda jańartylǵan 48 energıa nysanyn salýdy josparlap otyr. Bul týraly 18 qazanda Energetıka mınıstri Bolat Aqsholaqov aıttty , dep habarlaıdy Almaty-akshamy.kz QazAqparatqa silteme jasap.
Energetıka mınıstrligi elektr energıasyna degen orta merzimdi qajettilikti jabý úshin generasıa sektoryndaǵy birqatar jobalardy pysyqtap jatyr.
«Búgingi tańda Qazaqstan Respýblıkasynda jıyntyq qýaty shamamen 2300 MVt bolatyn 140-tan astam JEK obektisi jumys isteıdi. Elektr energıasyn jalpy óndirýdegi jańartylatyn energıa kózderiniń úlesi 3,7% bolady. JEK sektoryna tartylǵan ınvestısıanyń jalpy kólemi 1 trln teńgeden astam. Bıyl JEK-ten alynǵan elektr energıasynyń kólemi 4,5 mlrd kVt/saǵ nemese óndiristiń jalpy kóleminiń 4% kóleminde boljanady. Bul rette qarjy-esep aıyrysý ortalyǵy qol qoıǵan sharttar sheńberinde 3 jyl ishinde jıyntyq qýaty 850 MVt-tan asatyn 48 JEK obektisin qosymsha engizý josparlanýda», - dedi Energetıka mınıstri.