Qazaqstandaǵy kolej stýdentterine úlgi boldy.
Qazaqstandyq kolej túlegi Dına Afanaseva WorldSkills Competition 2022 Special Edition álem chempıonatynda qola medal jeńip aldy, dep habarlaıdy Almaty-akshamy.kz Egemen.kz silteme jasap.
Jarys 9-17 qazan aralyǵynda Koıan qalasynda (Ońtústik Koreıa) ótti. Otandasymyz «Veb-tehnologıalar» quzyrettiligi boıynsha osyndaı joǵary nátıjege qol jetkizgen.
«Bul - dúnıe júzindegi kolej stýdentterine arnalǵan eń bedeldi jarysta alǵan Qazaqstannyń alǵashqy medali. Byltyr Pavlodar kolejiniń stýdenti bolǵan Dına «Veb-ázirleý» baǵyty boıynsha EuroSkills Graz 2021 Eýropa chempıonatynda qola medal jeńip alǵan bolatyn. Dınany jeńisimen quttyqtaımyn! Onyń eńbegi, bilimi men tabandylyǵy elimizdiń barlyq kolej stýdentterine úlgi. Sondaı-aq áriptesim, elordalyq kolej oqytýshysy Aıjan Zıadanovaǵa stýdentiniń tamasha nátıjesi úshin alǵys aıtqym keledi. Alda Dınany jańa jeńister men bıik belester kútip turǵanyna senimdimin. WorldSkills Competition 2022 Special Edition-ǵa 60-tan astam el 63 negizgi quzyrettilik pen 1 demonstrasıalyq quzyrettilik boıynsha qatysyp jatqanyn atap ótkim keledi», - dep jazdy Asqat Aımaǵambetov.