Bul rette óndiris sol deńgeıde qaldy
Qazaqstanda un bir jylda 16%-ǵa qymbattady, dep habarlady Almaty-akshamy.kz energyprom.kz saıtyna silteme jasap.
QR-da dándi jáne ósimdik daqyldarynan un óndirý osy jyldyń qańtar–mamyr aılarynda shamamen 1,4 mln tonnany qurady, is júzinde bir jylda ózgerissiz qaldy. Onyń 1,3 mln tonnasy usaq untaqtalǵan bıdaı nemese sýrjık unynan keldi, bul 2022 jylǵy qańtar–mamyrǵa qaraǵanda 0,2% - ǵa artyq. Óz kezeginde usaq jáne iri untaqtalǵan ósimdik unyn shyǵarý 3,1 myń tonnany qurady, 2022 jyldyń sáıkes kezeńimen salystyrǵanda 21,8% - ǵa az.
Bıdaıdan basqa dándi daqyldardan usaq tartylǵan un óndirisi bir jylda birden 30,8% - ǵa, ıaǵnı 1,9 myń tonnaǵa deıin qysqardy. Nan-toqash ónimderin daıyndaýǵa arnalǵan qospalar óndirisi 1,7% - ǵa, 87,7 myń tonnaǵa deıin ósti.
Dándi daqyldardan jarma, iri untaqtalǵan un jáne túıirshikter, sondaı-aq ózge de ónimder shyǵarý 25,5% - ǵa, 33,3 myń tonnaǵa deıin qysqardy.
2023 jylǵy mamyr aıynyń qorytyndysy boıynsha un baǵasy bir aıda 0,2% - ǵa jáne 2022 jylǵy mamyrmen salystyrǵanda 16,2% - ǵa ósti. Salystyrý úshin, ótken jyly aılyq ósim 6,8%, jyldyq ósim 29,9% qurady.
QR óńirleri arasynda bir jyl ishinde unnyń eń kóp qymbattaýy Pavlodar oblysynda baıqaldy: birden 41,8% - ǵa. Odan keıin Batys Qazaqstan jáne Qyzylorda oblystary — tıisinshe 39,1% jáne 34,5%. Baǵanyń eń az ósýi Shymkent (jylyna 2%-ǵa), Soltústik Qazaqstan (8,4% - ǵa) jáne Qaraǵandy (11,2% - ǵa) oblystarynda tirkeldi.
Qazaqstannyń bir óńirinde ǵana un baǵasy tómendedi: Almaty oblysynda (biraq tek 0,9% - ǵa).
2023 jylǵy mamyrda joǵary surypty bıdaı unynyń ortasha baǵasy bir jyl burynǵy 322 teńgege qaraǵanda kg úshin 375 teńgeni qurady. Kórsetkish Pavlodarda kg úshin 297 teńgeden Astanada kg úshin 442 teńgege deıin ózgerdi. Sondaı — aq, Atyraý men Aqtaýda joǵary baǵalar (qalalardyń árqaısysynda kg úshin 428 tg), al Aqtóbe men Qaraǵandyda tómen baǵalar (tıisinshe kg úshin 300 tg jáne 303 tg) belgilendi.
Birinshi surypty bıdaı unynyń quny 2022 jylǵy mamyrda kg úshin 210 teńgeden osy jylǵy mamyrda kg úshin 236 teńgege deıin ósti.