1 qańtardan bastap Ulttyq qordyń jyl saıynǵy ınvestısıalyq kirisiniń 50%-y kámeletke tolmaǵan balalardyń arnaıy jınaqtaý shotyna aýdarylady.
Alǵashqy tólemder aqpan aıynda túse bastaıdy. Jınalǵan qarajatty 18 jasqa tolǵan soń ǵana alýǵa ruqsat etiledi, dep habarlaıdy almaty-akshamy.kz.
On segiz jyl ishinde balanyń shotynda 3-4 myń dollar aqsha jınalady dep kútilýde.
Bala kámeletke tolǵannan keıin shottaǵy aqshasyn baspana satyp alýǵa nemese oqý aqysyn tóleýge jumsaýǵa quqyly. Bul rette aqshany shetelde bilim alý úshin paıdalanýǵa ruqsat etiledi.
Esepshottaǵy aqsha dollarmen jınaqtalady. Al tólenetin kezde sol kúngi kýrspen teńgege aýdarylady.