Búginnen bastap memlekettik járdemaqylardyń mólsheri ulǵaıady.
Buǵan deıin 1, 2, 3 bala týǵanda beriletin járdemaqy 131 100 teńge bolsa, endi 140 296 teńge bolady. Al 4 jáne odan kóp bala týǵanda beriletin járdemaqy 217 350 teńgeden 232 596 teńgege deıin óspek, dep habarlaıdy almaty-akshamy.kz.
Jalpy bala sanyna baılanysty kópbalaly otbasylarǵa beriletin járdemaqyǵa kelsek, 4 balasy bar otbasylar endi 55 304 teńge emes, 59 183 teńge alatyn bolady. 10 balasy bar otbasylarǵa beriletin járdemaqy 138 000 teńgeden 147 680 teńgege ósedi.
Al búginnen bastap, múgedektigi bar adamdarǵa arnalǵan járdemaqy da birshama kóteriledi. Atap aıtqanda:
I top – 89 248 teńgeden 95 496 teńgege;
II top – 71 398 teńgeden 76 397 teńgege;
III top – 48 681 teńgeden 52 089 teńgege deıin kóteriledi.
Sondaı-aq, Memlekettik áleýmettik saqtandyrý qorynan asyraýshysynan jáne eńbekke qabilettiliginen aıyrylý boıynsha tólemder 7%-ǵa ulǵaıtylady.