Qazaqstan 2024 jyldyń 1 qańtarynan bastap UQSHU-ǵa tóraǵa bolady, dep habarlaıdy almaty-akshamy.kz.
Ótken jyldyń 23 qarashasynda Mınskide UQSHU Ujymdyq qaýipsizdik keńesiniń keńeıtilgen quramda ótken sesıasynda Memleket basshysy 2024 jyldyń 1 qańtarynan bastap UQSHU-ǵa tóraǵalyq etý mindeti Qazaqstan Respýblıkasyna ótetinin aıtqan bolatyn.
Osyǵan oraı Memleket basshysy Qazaqstan tóraǵalyǵy kezinde Uıym qyzmeti boıynsha erekshe nazar aýdarýdy qajet etetin birqatar basym baǵytty usyndy.
Prezıdent usynǵan basym baǵyttar:
— UQSHU-nyń qaýipsizdik salasynda múddeli eldermen jáne halyqaralyq uıymdarmen yntymaqtastyq ornatý;
— áskerı yntymaqtastyq máseleleri boıynsha qarym-qatynas;
— halyqaralyq terorızm men ekstremızmge qarsy is-qımyl baǵytyndaǵy yntymaqtastyqty damytý;
— esirtki jáne psıhotropty zattardyń zańsyz aınalymyna da qarsy kúres;
— qarý-jaraqtyń zańsyz aınalymymen jáne transulttyq uıymdasqan qylmystyq toptarmen kúres;
— tótenshe jaǵdaılardyń aldyn alý jáne onyń saldaryn joıý máseleleri boıynsha yntymaqtastyqty nyǵaıtý;
— aqparattyq tehnologıa salasyndaǵy qylmystarǵa qarsy is-qımyldy jandandyrý.