Data Hub qyzmetkerleri 2023 jáne 2024 jyldardaǵy buzýshylyqtardy tirkeý jaǵdaılaryn salystyrdy.
Ótken jyly 300 myń jaǵdaı anyqtaldy, al bir jyl buryn tek 99 myń jaǵdaı tirkelgen bolatyn, dep habarlaıdy aqshamnews.kz.
Osyndaı kúrt ósimge birneshe faktor áser etýi múmkin. Mysaly, 2024 jyly kameralardyń sany 3 myńǵa artty, sondaı-aq Astanada naýryz aıynda engizilgen sary sıgnalǵa ótý jaǵdaılaryn tirkeý boıynsha pılottyq joba da yqpal etken bolýy múmkin. Aıta ketý kerek, jol qozǵalysy erejeleri boıynsha sary sıgnal da tyıym salynǵan sıgnal bolyp sanalady, tek tótenshe toqtatý múmkin bolmaǵan jaǵdaıda ǵana kólik júrgizýshisi toqtaýǵa mindetti emes.
Taǵy bir faktor retinde joldardaǵy kólik sanynyń artýy atalady, biraq keıbir sarapshylar júrgizýshilerdiń tártipsizdigi de yqpal etýi múmkin dep sanaıdy.