2025 jylǵy 1 qańtardan bastap arnaýly áleýmettik qyzmetter kórsetý júıesi QR Eńbek jáne halyqty áleýmettik qorǵaý mınıstrligi bekitetin arnaýly áleýmettik qyzmetter tarıfterin qalyptastyrý qaǵıdalary men ádistemesine negizdelgen qarjylandyrýdyń jańa formatyna kóshti.
Bul AÁQ alýǵa muqtaj azamattardy qamtýdy keńeıtýge múmkindik beredi, dep habarlaıdy vedomstvonyń baspasóz qyzmeti.
Qarjylandyrýdyń jańa formaty, onyń ishinde jekemenshik sektor men bilikti mamandardy AÁQ kórsetýge tartý esebinen básekelestikti damytý úshin engiziledi. Bul tetik uıymdar jumysynyń tıimdiligin jáne kórsetiletin qyzmetterdiń sapasyn arttyrýǵa yqpal etedi, bul óz kezeginde qyzmetkerlerdiń jalaqy deńgeıine oń áser etýi qajet.
Tarıfter AÁQ usynatyn uıymdardyń aqparattyq júıelerinen kelip túsken málimetter negizinde qalyptastyrylady jáne eki quramdas bólikti qamtıdy: negizgi jáne qosymsha shyǵystar.
Arnaýly áleýmettik qyzmetter kórsetýge arnalǵan tarıfterdi jergilikti atqarýshy organdar bekitedi.