AQSH prezıdenti Donald Tramp Aq úıde aýyzashar ótkizip, musylman elderiniń ókilderin qabyldady.
Ol óz sózinde 2024 jylǵy prezıdenttik saılaýda kórsetken qoldaýy úshin musylman qaýymyna rızashylyǵyn bildirdi, dep habarlaıdy aqshamnews.kz.
Tramp óz ákimshiliginiń basty maqsattarynyń biri – Taıaý Shyǵysta beıbitshilik ornatý ekenin atap ótip, bul baǵytta Avraam kelisimderine súıenetinin jetkizdi. Sonymen qatar, prezıdent ásirese Mıchıgan shtatynda turatyn musylmandarǵa erekshe alǵysyn bildirdi.
«Men prezıdent bolyp turǵanymda, sizderdi árdaıym qoldaımyn. Muny bilýlerińizdi qalaımyn», – dedi Tramp.
Sondaı-aq, ol bolashaqta musylmandarmen tyǵyz qarym-qatynas ornatýǵa nıetti ekenin aıtty.