Eńbekke ýaqytsha jaramsyzdyq úshin tólenetin járdemaqy kólemi ulǵaıtyldy
Qazaqstandyqtar tórt kúndik jumys ýaqytyn tańdap, eńbek etse, aılyǵy ózgermeıdi, dep habarlaıdy Almaty-akshamy.kz Almaty.tv-ge silteme jasap.
Sol qalpy qalady. Alaıda mundaı grafıkpen máńgi jumys isteı almaısyz. Iaǵnı, qyzmetker men jumys berýshi kelisip, bir aı 4 kúnnen, bir aı 6 kúnnen jumys istese bolady. Mundaı ózgeris qashan kúshine enetini belgisiz, bir anyǵy Eńbek kodeksi týraly qujat Májilis qaraýynda.
«Bes kúndik jumys kestesiniń jyldyq normasy -1960 saǵat. Sáıkesinshe, myna 4 kúndik jumys aptasyna kóshken kezde jyldyq norma saqtalady. Jalaqysyna toqtalatyn bolsaq, Eńbek kodeksine sáıkes, jalaqy quny azamattardyń belgili bir jumysyna, onyń kólemine, biliktilik talabyna saıkes tólenedi. Sáıkesinshe, bul jerde de jalaqy saqtalady», – dedi QR Eńbek jáne halyqty áleýmettik qorǵaý mınıstrligi departamentiniń basqarma basshysy Shalqar Orazbekov.
Eńbek kodeksindegi taǵy bir jańashyldyq – eńbekke ýaqytsha jaramsyzdyq úshin tólenetin járdemaqy kólemi ulǵaıtyldy. Iaǵnı, buryn onyń somasy 45 myń teńge bolsa, endi shamamen 86 myń teńgege kóterildi. Máselen, siz densaýlyǵyńyzǵa baılanysty jumystan 4 kún qalsańyz, sizge 86 myń teńgege deıin járdemaqy beriledi.
«4 kún ol kisi jumysta bolǵan joq. Sáıkesinshe, ol kisi sol aıdaǵy jalaqysy jalpy qalypty alyp júrgen jalaqysynan sál tómendeý bolýy múmkin. Biraq jumysqa jaramsyz qaǵazy arqyly shyǵyndy tolyqtyrady», – dedi Shalqar Orazbekov.